Соёмбо-1911:Олноо Өргөгдсөн Монгол Улс

Аймшиггүй чин зоригт Жанжин Сүхбаатар

"…бидний улс эв саналыг нэгтгэн нийт нэгэн хүчийг нийлүүлэн нэгэн зэргээр зориглон хөдөлбөл үл хүрэх газаргүй бөгөөд мэдэхгүй ба чадахгүй гэх явдал огт үгүй болж гадаад дотоодын эзэрхэгийн савраас гарч, учрах зовлонгүй болж болохыг дан ганц бидний сэтгэлийн чин зориг мэднэ. Ташаагүй үнэн болохыг би батлан өгүүлнэ”

Аймшиггүй чин зоригт Жанжин Сүхбаатарын энэ үг яруу тунгалаг, жавхаа төгөлдөр, агуулга гүнзгий, оновчтой зүйрлэл төгс бүрдсэн нь Авраам Линкольний “Геттисбергийн үг”-тэй эн зэрэгцэж, Мартин Лютер Кингийн “Би мөрөөдөж байна” илтгэлтэй зиндаархаж чадахуйц монгол хүний дархалсан үгэн цамхаг юм.

Montag, 14. Mai 2012

цэргийн дүрэмт хувцас

цэргийн дүрэмт хувцас

1921 оны 3-р сарын 24-нд хуралдсан МАН-ын анхдугаар хурлаас Жанжин Д.Сүхбаатарын санаачлагаар журамт цэргийн хувцас хэрэглэлийг сэлбэн засах оёдлын бүлгэм байгуулан улмаар 1922 оны эхээр “Бэлтгэн үйлдэх тасаг” нэртэйгээр цэргийн гар үйлдвэрийг албан ёсоор байгуулсан нь одоогийн дүрэмт хувцасны оёдлын Бөртэ компаний тулгын чулуу анх тавигдсан түүхтэй билээ.

Энэхүү 85 жилийн түүхэн хугацаанд мэргэжлийн боловсон хүчнээр хангах, бүтээгдэхүүний загвар, чанарыг олон улсын цэргийн хувцасны жишигт хүргэх зорилт тавин ажиллаж байгаагийн зэрэгцээ үйлдвэрлэлийн үйл ажиллагаа тасралтгүй жигд явагдаж ирлээ.

Одоо тус үйлдвэр нь 970 м/кв талбай бүхий үйлдвэрийн байранд 130 гаруй ажиллагсадтай, харъяалалын 350 гаруй ахмадуудтай, захирлын, санхүү эдийн засгийн, үйлдвэрлэлийн, аж ахуй засвар үйлчилгээний гэсэн 4 албатай, эсгүүрийн захиалга оёдлын болон бөөнөөр үйлдвэрлэх 3 тасагтайгаар үйл ажиллагаа явуулж байна.